仲有幾粒鐘就2013年
其實時間真係過得好快，上年同班朋友仔倒數個畫面仲歷歷在目，話咁快又一年，又要倒數。
2012年對我黎講係多事同是非之年，加上工作量多到令人窒息，個人都開始迷迷糊糊，好似一部機械咁，規定要完成每日應該要做既工作，攪到好多時都無自己私人時間，無好好停低諗下將來，諗下朋友，諗下身邊所發生既事。
人大左，生活節奏不知不覺咁急促起黎。前幾日"阿靜" 講左一句說話: 『讀緊書既時侯都起碼知終點係邊，但自從返左工之後，根本就睇唔到終點係邊。』
依句說話令我意識到仲有幾個月就畢業既我，好快就要面對佢既唏噓。畢業既限期就好似死期一樣，提醒住自己有野想做，有野想試，就要好好珍惜剩落黎個幾個月。但願自己可以好好享受一下最後既校園生活，再一次重拾追求熱血青春既態度，因為唔知幾時開始已經放低左依種態度好耐。
諗返過去，雖然我係同學身邊印象都係Hea底，頹底。但唔服輸既性格，有時因為人地既說話而無啦啦發奮起黎，加上當自己一心一意咁投入工作，好多時侯都懶理身邊好多人同事，令我失去唔少我應該要珍惜既人，幾乎每年都會失去某幾段寶貴既友誼。
依家只可以概嘆咁唱返句
"擦光所有火柴難令氣氛像從前閃耀，至少感激當日陪著我開甜蜜的玩笑 "
成個2012年，成日都同自己要講要改變，但都無做到。依家好啦，2013年，可以有個藉口真真正正重新開始，但願來年生活順順利利，開開心心，最緊要屋企人開心同和氣就得，只要屋企人開心，我短幾年命又有咩所謂。
值得一提，都興幸自己寫左個故事吸引咁多人睇，令到自己有幾千個讀者支持，你地係我既寶貴資產，Fans page都係我其中一個抒發感受既地方，感激你地一直支持。
祝大家新一年身體健康，開開心心。
Btw: D 卡依幾日會寄比大家(超多封，寫到我pk)
Search